كشف تقرير الشفافية الدولية لسنة 2008 أن مصر قد تراجعت 10 مراكز بين دول العالم إلي المركز 115 بكل إقتدار. طبعا مش محتاجين نباهة علشان نعرف إننا بالمركز دة إحنا مش بس أقل شفافية من دول الغرب، لكن وبلا فخر إحنا أقل شفافية من دول في أسيا وأفريقيا. وحتى أقل شفافية من دول عربية زي قطر (28)، الإمارات (35)، عمان (41)، البحرين (43)، الأردن (47)، تونس (62)، الكويت (68)، السعودية (80)، الجزائر(92)، لبنان (102)..... هو فاضل مين؟؟؟؟بس قبل ما نظلم حكومتنا الموقرة و نتهمها بالفساد، ياريت أي مسؤل محترم، أو حتى مش محترم، يصدر بيان أو تصريح يقولنا سبب الخيبة التقيلة دي. جايز يكون فيه سبب وجيه إحنا الشعب المفتري مش واخدين بالنا منه.
مثلا يكونوا بتوع الشفافية الدولية دول عملوا الدراسه وقت السحابة السودة اللي بتهب على مصر كل سنة. أو مثلا يكونوا قالوا مصر مش شفافة لأنهم لما زاروا مصر ماعرفوش يشوفوا وش أي مصري. الستات أغلبهم لبسوا النقاب، والرجالة مربيين دقون تسد الهوا والشمس. أو أي سبب تاني غير لاسمح الله والشر برة وبعيد: الفساد.
أنا مستنية يا حكومة. ياريت تعبروني.
اللي عاوز يشوف التقرير الكامل يكلك هنا. ء
No comments:
Post a Comment