زوجي الحبيب روح من يومين وقالي معايا هدية هايلة لكي. ومع إني إنسانه مش مادية زي مادونا لكن بصراحة فرحت لإنه إفتكرني حتى وهو خارج لوحده مع أصحابه.ء
بس يافرحة ماتمت. الهدية طلعت الكتيب اللي على اليمين.صحيح هوه إدعي إنه جابهولي علشان أكتب عليه في البلوج، بس خاليكوا شاهدين إني لسه عايزة هدية بجد لزوم علاج الإحباط.ء
بعد رد الفعل الطبيعي لمل شفت الصورة اللي على الغلاف، واللي كان في شكل صرخة عالية بالنداء " يامه!!" (أوخليها "يامامي!!" إذا كان القارئ شيك) أخدت منه الكتيب واللي طلع دعوة كريمة لإلغاء وجود المرأه يوزعة ثلاث رجال لابسين جلاليب شانيل و مربيين الدقون المنكوشة إياها. ما علينا، خلينا في المهم و هي إن هؤلاء يدعون إن الكون مليئ بالعلامات اللي بتدلل علي ضرورة إخفاء المرأة، وإللي إحنا بغباوه مش شايفيينها. ء
أنا حأعرض بعض الصور من الكتيب، وحأضيف تعليق صغير مش علشان أناقشهم في وجهة نظرهم لإنهم "هوبلس كيس"، ولكن علشان أعلمهم يعرفوا يختاروا أمثلة تدخل في مخ أي إنسان عندة "أي كيو" أعلى منهم! ء
أولآ: الهدية: أقول إيه بس، حتى المثال نفسه ضدهم. حد يقولهم من فضلكم إن أي هدية مش بتفضل متغطية أكتر من مسافة السكة من المحل حتي تقديمها للمهدى إليه. وأول حاجه لازم الواحد يعملها لما ياخد أي هدية،هيه إنه يفتحها!! وعمرها مابتتغطى تاني أبدآ. أظن واضح غباوه التشبيه.ء
ثانيآ: الخلية النباتية: في الموت كلنا بنتلف أو بنتحط في صناديق. ستات و رجالة زي بعض. إللي بعده.ء
ثالثآ: البذور النباتية: لامؤاخذة، أفتكر إن التشبيه دة له إسم: "وأد البنات"!! وأفتكر كمان إن الإسلام حرمه مع الأسف!!ء
رابعآ: السلك الكهربائي: يا مثبت العقل والدين يارب!!أتنقب بكرة لو الأفندي اللي كتب المثال ده شرحلي وجه الشبه بين السلك الكهربائي و المرأة!! الظاهر إنه كان بيفكر في الراقصه اللي بيحطوا اللمبة على صدرها تنور!!ء
خامسآ: الكعبة: إلا في موسم الحج لما أمة لا إله إلا ألله بتحضنها و بتبوسها!!ء
سادسآ: القلم: القلم مذكر الإسم والشكل..إيه اللي جاب أمه (ولا أوقع خليها) قصدي إيه اللي جاب أبوه للمرأة؟؟؟ ء
فيه صور وأمثلة تانية وكلها بنفس المنطق الغريب دة اللي بيقارن جماد ونبات للمرأة (إيش جاب لجاب؟) بس مش حأقدر أكمل النهاردة علشان ضغطي إرتفع وجالي سكر وكولسترول ودوخة وغممان نفس!!ء
سؤال واحد محيرني. ليه كل اللي بيسترزقوا من الدين مركزين كدة على الستات؟ عقد من الطفولة؟ هواية؟ غلاسة؟ تقل دم؟ ولاحول ولا قوة إلا بالله. سلام
.ملحوظة: الكتيب مستعمل كلمة حجاب للزي المعروف في مصر بالنقاب
سؤال واحد محيرني. ليه كل اللي بيسترزقوا من الدين مركزين كدة على الستات؟ عقد من الطفولة؟ هواية؟ غلاسة؟ تقل دم؟ ولاحول ولا قوة إلا بالله. سلام
.ملحوظة: الكتيب مستعمل كلمة حجاب للزي المعروف في مصر بالنقاب
1 comment:
LOL....LOL
Sounds like children's books. Simplistic, naive logic that assumes it's addressing naive minds. Actually it shows how dumb the author is. This is what we gain from a culture that discourages stimulating discourse and encourages conformism that results in mental atrophy.
It didn't occur to this poor soul that the same technique can be used to prove the complete opposite?
That most wrapped gifts end in disappointment because they raise expectation and that we could be using the cover to decieve the client. And that if the plant is totally covered it dies....and that in the case of the wire, since men are more dangerous they should be covered but with an iron cast......and in the case of the pen ....well... does the pen reminds you of anything? How can a phallic symbol be used to refer to women? After all it is not women who drip.
Since men are more valuable and can come up with such brilliant ideas as this booklet I think it is men who should be veiled because they are as valuable as gifts and plants and fountain pens.
Post a Comment